Urdu Shayari Of Prophet Muhammad saw
آمدِ صادقینؐ مبارک ہو
ہونٹوں پہ سجائی ہوئی ہے نعتِ محمدؐ۔
آئی میرے حِصے میں بھی خیراتِ محمدؐ
ہر وردِ زباں حمد کے سانچے میں ڈھلا ہے
وہ مدحتِ صادقؐ ہو یا پھر نعتِ محمدؐ۔
حیدرؐ کے سِوا کوئی مددگار نہیں ہے
دیکھو ذرا تاریخ میں غذواتِ محمدؐ۔
معراج تو بس ایک بہانہ ہے وگرنہ
درپیش خدا کو تھی ملاقاتِ محمدؐ۔
آنکھوں سے تعصب کا ذرا چشمہ اُتارو
صادقؐ میں نظر آئے گی پھر ذاتِ محمدؐ۔
غیروں سے نہ کچھ پوچھو اے تاریخ نگارو
گھر میں ابوطالبؐ کے ہے کلیاتِ محمدؐ۔
وہ مشہد و قم کرب و بلا ہو یا نجف ہو
دراصل یہ ساری ہیں زیاراتِ محمدؐ۔
کیسے نہ رضٙا اور حسٙن ناز کریں ہم
ہیں سایہ فگن ہم پہ عنایتِ محمدؐ۔
 |
Image Source - Google | Image by -Morocco World News
0 Comments
Please do not enter any spam links in the comment box.